113. สิงฺคาลชาตกํ
[113]
สทฺทหาสิ สิงฺคาลสฺส [สิคาลสฺส (สี. สฺยา. ปี.)], สุราปีตสฺส พฺราหฺมณ;
สิปฺปิกานํ สตํ นตฺถิ, กุโต กํสสตา ทุเวติฯ
สิงฺคาลชาตกํ ตติยํฯ
114. มิตจินฺติชาตกํ
[114]
พหุจินฺตี อปฺปจินฺตี, อุโภ ชาเล อพชฺฌเร;
มิตจินฺตี ปโมเจสี, อุโภ ตตฺถ สมาคตาติฯ
มิตจินฺติชาตกํ จตุตฺถํฯ
115. อนุสาสิกชาตกํ
[115]
ยายญฺญ [ยายญฺเญ (ก.)] มนุสาสติ, สยํ โลลุปฺปจารินี;
สายํ วิปกฺขิกา เสติ, หตา จกฺเกน สาสิกาติ [สาลิกาติ (สี. สฺยา. ปี.)]ฯ
อนุสาสิกชาตกํ ปญฺจมํฯ
116. ทุพฺพจชาตกํ
[116]
อติกรมกราจริย , มยฺหมฺเปตํ น รุจฺจติ;
จตุตฺเถ ลงฺฆยิตฺวาน, ปญฺจมายสิ อาวุโตติฯ
ทุพฺพจชาตกํ ฉฏฺฐํฯ
117. ติตฺติรชาตกํ
[117]
อจฺจุคฺคตาติลปตา [อติพลตา (สี. สฺยา. ปี.), อติลปกา (กตฺถจิ)], อติเวลํ ปภาสิตา;
วาจา หนติ ทุมฺเมธํ, ติตฺติรํวาติวสฺสิตนฺติฯ
ติตฺติรชาตกํ สตฺตมํฯ
118. วฏฺฏกชาตกํ
[118]
นาจินฺตยนฺโต ปุริโส, วิเสสมธิคจฺฉติ;
จินฺติตสฺส ผลํ ปสฺส, มุตฺโตสฺมิ วธพนฺธนาติฯ
วฏฺฏกชาตกํ อฏฺฐมํฯ